BAT Gising Ka Pa?: Pigilan, Pabayaan
“Mahirap magpaalam sa isang tao kung ang pakay mo naman talaga ay hilain ka niya pabalik, pabalik sa inyong nakaraan.”
***
Lito lang o hibang,
O sadya ba akong mangmang?
Kahit sobrang sakit sa akin
Bakit kailangan kong magpaalam?
Nakaraang kay saya, saan hahagilapin
Wakas na ba ng lahat ng…
Lilisanin ko muna aking alapaap,
haharapin ang bawat pagsubok na ibibigay ng realidad—ng pamantasan at ng mundo
Handa na ako,
magbabalik ako
pangako
Focus
Siguro’y pinapangarap kong mangingibig ay isang manunulat, sapagkat una sa lahat…masarap haranahin gamit ang mga mabubulaklak na salita. Mahilig akong bumasa ng mga lathalang nakalaan para sa akin, lalu na’t kung ito ay malaman at mahaba. Pinahahalagahan ko ang kaniyang paningin sa akin at sinisigurado kong idaraan niya iyon sa isang obra maestra na aking mamahalin. Mahilig akong mangilala at tumuklas ng isang tao base sa mga salitang kanilang isiniiswalat at mga nagtatago sa kanilang puso. Sigurado rin ako na makagagawa kami ng isang napakagandang nobela, hindi lamang puro puso kundi lahat na ng mga simbolo sa mundong ito. Kami ay isang tula na walang tugmaan, batid kong masarap sa tainga makarinig ng tulang magkakatono ngunit ayokong malimitahan ang aming salita at maisakripisyo ito para lamang sa ikagaganda ng porma nito. Isa kaming malayang tula, ‘yon ang gusto ko. Walang saktong sukat ni tugmaan dahil lahat ng salita ay lumalabas, lahat ng nais ay naipararating.
Siguro nga’y isang manunulat ang aking pinapangarap na mangingibig, sana nama’y kami ay magtagpo at bumuo ng minimithing nobela o tula. Sana, ang aming storya ay nasa proseso na.
TEKA totoo ba talaga ‘to? Ahhh ahhhhhhh hindi ko alam gagawin ko, pinapadala ako ng tito ko sa Fresco, California. Dun na raw ako. Ahhh shiittt marami pang malabo, marami pang pangarap… noooooooo.
"It’s better to know and be disappointed than to never know and always wonder."
Nakakulong ako sa loob ng puting kwarto
binubuo ng apat na kwadrado
Sa bawat sulok ay may pinto,
ngunit ang susi ay nilamon ng kinatatakutan kong demonyo—nilamon ko
Batid ko, at batid niyo ang kwento
na alam pa ng milyon-milyong tao
ukol sa pinagmulan ng pag-ibig; ng taong habangbuhay makakasama mo
Na, noo’y sa iisang katawan at iisa ang itinitibok ng puso’y
dalawa ang naninirahan rito—nagkahiwalay at muling magtatagpo
Kay saya at nakatutuwang malaman, ngunit, heto ang kwento ko:
walang hahanapin at walang maghahanap
dahil una’t sapul pa lamang, walang naihiwalay…
mag-isa na akong buo
